ខេត្តកំពត ៖ លោកថូ វុទ្ធី អាយុ៥៣ឆ្នាំ មន្ត្រីគយខេត្តកំពត កំពុងតែវ័ណ្ឌកក្នុងរឿងចាប់រំលោភក្មេងស្រី មិនទាន់ គ្រប់អាយុ កាលពីថ្ងៃទី១ ខែវិចិ្ឆកា ២០១១ នៅឆ្នេរកែប ក្រោយពីស្រស់ស្រូបអាហារ ពេលថ្ងៃរួចមក ។ ឥឡូវ មន្ត្រីគយល្មោភកាមនោះ ត្រូវចាប់ខ្លួនបញ្ជូនទៅកាន់ស្នងការដ្ឋាននគរបាលខេត្តកំពត ដើម្បីកសាង សំណុំរឿងបញ្ជូនទៅតុលាការហើយ ។ គេធ្លាប់តែឮមន្ត្រីគយពូកែខាងចាប់ទំនិញគេចពន្ធនានា រកចំណូលចូលរដ្ឋ តែឥឡូវគេបានឃើញ មន្ត្រីគយពូកែចាប់រំលោភក្មេងស្រីមិនទាន់គ្រប់អាយុ ដើម្បីយកទុក្ខឲ្យក្រុមគ្រួសារវិញម្តងហើយ ។
សាក្សីបានឲ្យដឹងថា កុមារីរងគ្រោះឈ្មោះវ.ព អាយុទើបតែ១៤ឆ្នាំប៉ុណ្ណោះ ហើយនាងរស់នៅក្នុង ភូមិត្រពាំងធំ ឃុំជុំគ្រៀល ស្រុកទឹកឈូរ ខេត្តកំពត ។ សាក្សីបានឲ្យដឹងទៀតថា ដើមចមដែលបណ្តាលឲ្យមានករណីចាប់រំលោភនេះ គឺមន្ត្រីគយក្បាលខូចអត់សីលធម៌នោះ បានបបួលនាងទៅ ហូបបាយនៅឆ្នេរកែប ។ លុះហូបបានហើយមិនបានយកនាងរងគ្រោះទៅផ្ទះទេបែរជាដឹកនាងទៅផ្ទះសំណាក់ហើយចាប់រំលោភបានសម្រេច២ដង ទើបដឹកនាងមកផ្ទះវិញ ។ ក្រោយមកនាងបាន ប្រាប់ម្តាយក៏ម្តាយដាក់ពាក្យបណ្តឹងទៅខាងជួញដូរមនុស្សខេត្ត ឲ្យជួយចាប់ខ្លួនមន្ត្រីគយនោះតែម្តង ។
ប៉ូលិសបាននិយាយថា មន្ត្រីគយល្មោភកាមនោះ ត្រូវចាប់ខ្លួនកាលពីវេលាម៉ោង៨និង៣០នាទីព្រឹក ថ្ងៃទី៣ ខែវិច្ឆិកា ២០១១ ។ ករណីចាប់មន្ត្រីគយនេះមានការបិទបាំងព័ត៌មាន ក៏ដូចជាហាមមិនឲ្យអ្នក កាសែតថតយករូបភាពមន្ត្រីគយនោះផងដែរ ។ ក្រុមគ្រួសាររងគ្រោះបានសុំឲ្យតុលាការផ្តន្ទាទោសឲ្យបានធ្ងន់ធ្ងរបំផុត ព្រោះកូនចៅរបស់ពួកគេមិនទាន់គ្រប់អាយុនៅឡើយ ។ រពិសដៃចាប់ទំនិញគេចពន្ធគឺបានលុយឲ្យប្រពន្ធកូន តែបើរពិសដៃ ចាប់ក្មេងស្រីរំលោភវិញ គឺនាំទុក្ខដល់ក្រុមគ្រួសារនិងបានដេកគុកអ៊ីចឹងហើយ ៕
0 comments:
Post a Comment
សូមផ្ញើចម្ងល់នៅទីនេះ សូមស្វាគមន៍
Other Recommended Posts: